Romština

Romština
Informacija, sar te kidel avri pre phuv la Čechikona republikakeri
andro avrikidňipen andre Bičhadengeri sňemovna le Parlamentoskeri la
Čechikona republikakero so ačhena andro ďivesa 25. the 26. oktobris 2013
O avrikidňipen andre Bičhadengeri sňemovna le Parlamentoskero la
Čechikona republikakero akharďa avri la republikakero prezidentos peskere
rozgiňipnaha, so sas publikimen adre le Kanunengero skidľipen tel o numeros
266/2013 Skidľipnastar, andro kotor 102, so sas rozbičhaďo andro ďives 28.
augustos 2013.
O avrikidňipen pre phuv la Čechikona republikakeri ačhel adro duj ďivesa, kada
hine paraščovin the sombat; o hazdňipen pes kerel paraščovine le 14.00 orendar dži
22.00 ori the sombatone le 8.00 orendar dži 14.00 ori. O voľičis hin štatno themutno la
Čechikona republikakero, so choča dujto ďives le avrikidňipnastar dorešľas choča o phuripen
18 berš.
O avrikidňipnaskero kher
O voliči hine informimen pal o than the o časos andro gav foros, kana o avrikidľipen
kes kerel, kavka, hoj o gaveskero foroskero šeralo (starostas) len dela o hiros najnasigeder
dešupandž ďives anglo avrikdľipnaskero ďives. Te pro gaveskero foroskero than hine buter
avrikidňipnaskere okrski, le gaveskero foroskero čhibalo phenela, save kotora le gavestar
peren andre individualna avrikidňipnaskere okrski. Andro hiros hine pisimen le
avrikidňipnaskere kherengere atresi. O povereno gaveskero foroskero urados the krajsko
urados publikinela pro webova seri, sar šaj pes telefoňinel andro sako avrikidňipnaskero kher
andro leskero administrativno obvodos.
Andro avrikidňipnaskero kher ena figinde pro dikhindo than o vzori le
avrikidňipnaskere kartkicendar. Pre kale kartkici ela pisimen "VZOR", u pre kartkici hin
pisimen tiž le kandidateskero avriakhariben, hoj mukhel leskeri kandidatura, abo le
zastupcoskero avriakhariben, hoj o kandidati pes len pale; te kajse avriakharibena sas ande
dži 48 ori angloda, sar o avrikidňipen sas phuterdo, kana pes arakhel avri, sar o voľbi
dopejle, ta pes o hazdne vasta vaš kajso kandidatos na ginen andre; paľis tiž, te kada
kampel, e informacija pal o mištodikhle tiskova doša pro avrikidňipnaskere kartki the e
čačutňi informacija. Andro avrikidňipnaskero kher mušinel te jel vaš sako avrikidňipnaskero
okrskos tiž o zakonos (kanun) nr. 247/1995 Skidľipnastar, pal o voľbi andro Parlamentos la
Čechikona republikakero u sar pes visaren u dopherďaren varesave aver zakony (kanuna),
avka sar phenen o nasigutnere predpisi, te o voľičis mangel, on dela les o kanun kejčen kaj
te šaj dikhel andre.
Sar te del peskero lav
Sar pes sikhavel e identita the o štatno themutňipen
O voľičis, sikhavela, kana avela andro avrikidňipnaskero kher, la okrskovona
avrikidňipnaskera komisijake, ko jov hin u hoj jov hin čechiko občanos peskere lačhe
občanskone preukaziha abo peskere dromengere vaj diplomatickone pasoha la Čechikona
1
republikakatar abo le dromengere preukaziha. Le voľičes, so kada na kerela, na mukhena
te del leskero lav ňikaske. Vašoda kampel, kaj le voľičiste hine o kampeľutne dokumenti.
O voľičis, so avľa andro avrikidňipnaskero kher le avrikidňipnaskere preukaziha,
musaj te del kada preukazis la okrskovona komisija pale; kadi thovel o preukazis andro
avriirišagos le osobitnone soznamostar le voľičengero. O voľičeskero preukazis del o
čačipen vaš o androirišagos andro avriirišagos andal o osobitno voľičengero
soznamos andro ďivesa, kana ačhel o avrikidňipen andro chočsavo avrikidňipnaskero
okrskos pre phuv la Čechikona republikakeri, eventualnones andro osobitno
avrikidňipnaskero okrskos kerdo paš o zaačhadutno abo konzularno amtos la
Čechikona republikakero andre cudza štati.
Kana hin označimen andro avriirišagos andal o permanentno abo speciálno
soznamos le voľičengero abo andal o osobitno soznamos le voľičengero, o voľičis resela la
okrskovona avrikidňipnaskera komisijatar čuči uradno kopertka, kada hin e kopertka, so pre
late hin e uradno pečatka le gaveskere abo foroskere uradostar, magistratostar, uradostar le
foroskere obvodostar abo le foroskere kotorestar. O voľičis, so kidel avri le avrikidňipnaskere
preukaziha, resela tiž o avrikidňipnaskere kartki vaš o avrikidňipnaskero krajos, andro savo
hin o avrikidňipnaskero okrskos, kaj o voľičis avľa.
O avrikidňipnaskere kartki
E avrikidňipnaskeri kartka pes demel avrether pre savi politicko sera, politicko
čalaviben abo koalicija. Pre savi avrikidňipnaskeri kartka hin o čislos dino pal losos. O
avrikiďnipnaskere kartki kajse istone serengere, politickone čalavibengere u koalicijengere
musaj te jel označimen andro save avrikidňipneskere kraji kale istone avrilosimen numeroha.
Te varesavi politicko sera, politicko čalaviben abo koalicija na podine o kandidatno ľil andre
save avrikidňipnaskere kraji, ačhela andro dino avrikidňipnaskero krajos kada numeros
nazabešto. Vaš oda na musaj o avrikidňipnaskere kartki, so o voľičis rešťa, te kerel calo
naphagerdo numericko šoros u le avrikidňipnaskere kartkicengeri sada na musaj te
obchudkerel save numeri.
Pre avrikidňipnaskeri kartkica ole politickone serendar, politickone čalavibnendar u
koalicijendar, paš save paš e registracija rozginďilas, hoj o kandidatos sčuchinďola, ačhel o
šoreskero numeros pre avrikidňipnaskeri kartkica, so originalnones služinelas vaš kada
kandidatos, nazabešto.
O gaveskero foroskero čhibalo distribuinel o avrikidňipnakere kartki le voľičenge
najnasigeder 1 ďives anglo avrikidňipnaskero ďives. Te o kartki mosarďona abo našľona
abo le voľičes na dine savore avrikidňipnaskere kartki, o voľičis šaj mangel andro
avrikidňipnaskero kher, kaj e okrskovo avrikidňipnaskeri komisija les te del nevo kompletno
sada le avrikidňipnaskere kartkicendar.
Sar pes prikerel e avrikidňipnaskeri kartka
Kana o voľičis chudela e uradno koperta, abo tiž avrikidňipnaskere kartki, jov džala
andro than, kaj pes prikeren o kartki. Te o voľičis na džala andre kada than, o hazdňipen
leske na ela domukhlo.
O voľičis thovel andro than, kaj kampel te prikerel e avrikidňipnaskeri kartkica andre
uradno koperta jekh kartkica la politickona seratar, le politickone čalavibnastar abo la
koalicijatar, vaš save jov kamel te del leskero lav; O voľičis del pal kada leskero lav vaš e
avrikidňi politicko sera, politicko čalaviben abo koalicija. Pre jekhvareste šaj o voľičis pre
avrikidňipnaskeri kartka la politickona seratar, le politickone čalavibnastar, koalicijatar, so jov
2
kidňa avri kerel e kerekori (zakerekinel) pašal o šoreskero numero najbuter ča paš 4
kandidati, so hine lekhade pre kajsi isto avrikidňipnaskeri kartkica, u avka te phenel, save
kandidates jov del angľipen. Aver, so o voľičis pisinela pre kartkica, na ovlivňinel, sar pes
dikhela pre voľebno kartkica.
Pre la politickona serakeri, le politickone čalavibnaskeri abo la koalicijakeri chasna
pes genen andre tiž kajse avrikidňipnaskere kartki, so pre lende hine le kandidatengere nava
sčuchinde, čerinde abo dopisinde. Pre kajse prikeribena pes na dikhel. Te o voľičis diňa pre
avirikdňipnaskeri kartka leskero angluno lav buter sar štare (4) kandidatenge, genel pes kadi
avrikidňipnaskeri kartkica andre vaš la politickone serakeri, le politickone čalavibnaskeri abo
la koalicijakeri chasna; aľe pre angľipnaskere lava pes na pridikhel.
Nalačhe hine kajse kartkici, so nane pre kampeľutno formularis, o avrikidňipnaskere
kartkici, so hine čhingerde, u o kartkici, so nane thode andre uradno kopertka. Te e
avrikidľipnaksere kartkici hine mosarde abo prebonďarde, hine th´avka platna, te e
kampelutňi informacija pes del mištes te dikhel. Le voľičiskero lav na mol, kana andre uradno
kopertka hiňi thoďi buter sar jekh avrikidňipnaskeri kartikica.
Sar te del leskero lav sar voľičis
Kana imar o voľičis ela het andal o than, kaj jov šaj prikerel o avrikidňipnaskere
kartkici, jov thovel e uradno kopertka la avrikidňipnaskera kartkicaha angle e okrskovo
avrikidňipnaskeri komisija andre avrikidňipnaskeri baksica.
O voľičis hazdel vaš varekaste korkoro, niko aver na šaj (našminel) te hazdel
vaš leske. Le voľičiha, so našti korkoro prikerel e avrikidňipnaskeri kartkica vašoda, hoj les
hin teštoskeri chiba, abo našti genel abo lekhavel (pisinel), šaj ačhel andro than, kaj o
avrikidňipnaskere kartkici pes prikeren, aver voľičis, ale na o členos la okrskovona
avrikidňipnaskera komisijatar, so prikerela e voľebno kartkica vaš leske u la thovela andre
kopertka, eventualnones the e kopertka thovela andre avrikidňipnaskeri baksica.
Sar te hazdel andre hordinďi avrikidňipnaskeri baksica
Le bare dovodostar, (perše te hino nasvalo, šaj o voľičis mangel o gaveskero
foroskero urados the andro ďivesa, kana ela o avrikidňipen, e avrikidňipnaskeri komisija, kaj
šaj te hazdel avrether le avrikidňipnaskere kherestar, aľe ča avka, kaj oda hin andro
obvodos, so hin o avrikidňipnaskero okrskos, so vaš leske e okrskovo avrikidňipnaskeri
komisija sas kerďi. Andro ajso pripados, e okrskovo avrikidňipnaskeri komisija bičhavela duj
peskere členi pal o voľičis la hordinda baksicaha, uradnona kopertkaha the avrikidňipanskere
kartkicenca.
3