TREE KANGAROO CONSERVATION

TREE KANGAROO CONSERVATION.
Astingting bilong
dispela conservation i
kamap em ol man long
ples i wok long kilim
nating nating ol tree
kangaroo na namba
bilong tree kangaroo
go daun, olsem na
tupela saintis William
Betz wantaim Lisa
Dabek tupela sawe
man na meri (saintist)
bilong ol animal igat
grass (mamals) bilong
Amerika long mekim
wok painim aut long
namba bilong tree
kangaroo go daun o
istap yet olsem na ol i
putim dispela tingting
bilong conservation.
Pastaim tru ol igo long bus na painim gutpela hap long wokim blok o plot taim ol i painim pinis orait
ol i makim dispela blok/plot wantaim tepmesa, long wokim blok/plot stat em sanapim stik long dispela
mak na pulim tep olsem 15m igo na sanapim stik okay 15m narapela gen na sanapim stik olsem olsem
igo pinis long wanem hap em igo bam long diwai o long baret o ston, ol isave lusim na kam stat gen
long narapela blok em wankain tasol. Wait inap tripela (3) wik samting na bihain kam bek na painim
pekpek bilong tree kangaroo. Taim ol kam bek long stat bilong poin o blok pegs em ol stat long
wokim diskripson bilong poin o blok pastaim na bihain bai ol setim taim olsem 4minit na ol save
painim pekpek bilong tree kangaroo olsem 4m klostu long stik ol sanapim long en. Stat bilong poin o
blok taim ol lukim wanpela pekpek olsem nupela o pres wan stret em ol givim diskripson bilong
pekpek na bihain mesarim (longpela na sotpela) bilong pekpek na ol i kolektim na karim igo long haus
na painim aut em bilong tree kangaroo o bilong ol kapul, sapos bilong kapul em i ol save larem, na
bilong tree kangaroo em ol save putim gut na salim long Amerika long painim aut DNA bilong em